Ášástâllâmpalvâlus MuuKela
Kela-aašij hoittám neetist lii älkkee: tun puávtáh hoittáđ aašijd kost já kuás peri. Ko tun uusah torjuid já vuolgâttah lahtosijd neetist, te toh láá tállân vuástáväldest. Tun uáináh meid, jis ucâmušâstâd váiluh lahtoseh tâi lasetiäđuh.
MuuKelast tun puávtáh
- uuccâđ torjuid
- vuolgâttiđ lahtosijd
- tärhistiđ miärádâs
- tärhistiđ máksupeeivi já torjuu mere
- almottiđ nubástusâin
- vuolgâttiđ já luuhâd viestâid.
Távjá koijâdum nettiášástâlmist
Algâmuddoost sämikielâg palvâlusâst puáhtá uuccâđ pyecceitipšom- já talhâssajanmáávsuid, vajodittem já vádulijtorjuu.
Jis tun halijdah tiettiđ, ete puávtáh-uv tun finniđ torjuu, te luuvâ vistig torjuin já toi vuáđustâsâin. Rekinistempalvâlus vievâst tun puávtáh árvuštâllâđ, ete puávtáččij-uv tust leđe vuoigâdvuotâ torjui.
Toovâ tastmaŋa ucâmuš neetist. Ko tun tiävdáh ucâmuš huolâlávt já vuolgâttah puoh lahtosijd siämmáá tove, te tuu ucâmuš kieđâvuššâm lii jotelub.
MuuKela ovdâsiijđost tun uáináh váldus jieijâd äigikyevdilijn aašijn. Ovdâsiijđost tun puávtáh tärhistiđ tunjin puáttám viestâid já lasetiätupivdemijd sehe miärádâsâid já máksupeeivijd. Tun uáináh meid tiäđu, ete lii-uv tuu ucâmuš kieđâvuššâm algâttum, já áárvu tast, ete mon kuhháá kieđâvuššâm pištá.
Jis tun lah vyeliahasii päärni huolâtteijee, te tun puávtáh uuccâđ MuuKelast pärnid peeleest maidnii torjuid já vuolgâttiđ lahtosijd. Tun jieh vala paste čuávvuđ ucâmuš čuávdim já máksutiäđuid päärni peeleest.
Nube olesahasii ulmuu peeleest tun jieh vala paste toohâđ tâi vuolgâttiđ ucâmušâid MuuKelast. Tun puávtáh kuittâg čuávvuđ ucâmuš čuávdim já máksutiäđuid nube olesahasii ulmuu peeleest.