Luámáttuvah

Návt tun uusah hiäđuid neetist sämikielân

Sämikielâlii MuuKela-palvâlusâst tun puávtáh uuccâđ pyecceetipšom- já talhâssajanmáávsuid, vajodittem já vádulijtorjuid. MuuKela stivree tuu ucâmuš já lahtosij tooimâtmist Kelan. Valjii palvâlusâst hiäđu, mon halijdah, já lahte toos tuu tevdim uuccâmluámáttuv. Ko ucâmuš lii vyerkkejum, te tun puávtáh lasettiđ toos tárbulijd lahtosijd.

Meid vyeliahasii huolâtteijee tâi Suomi.fi-váldásmitmáin nube peeleest ášástellee puáhtá vuolgâttiđ ucâmušâid já toi lahtosijd MuuKelast.

1. Vuorkkii kuárus luámáttuv vistig jieijâd riäidun. Ele teevdi ucâmuš njuolgist laađđâmist, ko talle uási tiäđuin sättih pääcciđ vuorkkiihánnáá.

2. Leehâ luámáttuv Adobe Reader -ohjelmist já teevdi luámáttuv. Ko tun vuolgâttah ucâmuš MuuKelast, te tom ij taarbâš vuáláčäälliđ.

3. Vuorkkii tevdum ucâmuš jieijâd riäidun. Ucâmuš kalga leđe pdf-häämist.

4. Čáládât MuuKelan já moonâ sajan Vuolgât lahtos.

5. Lasseet ucâmuš lahtosin já teddil Vuolgât.

6. Vuolgât lahtosijd MuuKelast tast maŋa, ko lah vuolgâttâm ucâmuš. Jis lahtoseh láá pápárist, te tun puávtáh väldiđ tain kove.

   Jis tun jieh pyevti kevttiđ MuuKela, te vuolgât ucâmuš poostâ peht Kelan. Vuorkkii luámáttuv jieijâd riäidun já teevdi tom vuorkkim maŋa. Vuolgât printtejum luámáttuv já lahtosijd čujottâsân Kela, PL 10, 00056 KELA. Jis luámáttuvâst lii nubbe postâčujottâs, te keevti tom.

Luámáttuv luođim jieijâs riäidun ij luhostuu

Motomin tiätuvuárhá luođim ij luhostuu ohtâvuotâčuolmâi tiet já čuávumuššân lii feilâalmottâs. Čuávuváá kevttimtove laađđâm puáhtá macâttiđ siämmáá feilâalmottâs tuu riäidu koskâmuštoost. Talle kannat keččâliđ laađđâm koskâmušto sikkom.

Luámáttuv tevdim tâi printtim ij luhostuu

Jis luámáttuv tevdim tâi printtim ij luhostuu, te täärhist, ete tun kiävtáh Adobe Reader. Tun puávtáh meid molsođ riäidu ovdâmerkkân tabletist tiäturân. Jis tun kiävtáh kevttimvuáháduv tâi laađđâm jieijâs Reader- tâi Viewer-ohjelm, te luámáttuv puoh jiešvuođah iä veltihánnáá tooimâ. Feeilah sättih čuávvuđ meid Adobe Reader puáris teikâ vádulii versiost, kuás ohjelm kalga stelliđ uđđâsist. Uđđâ versio puáhtá luođiđ nuuvtá Adobe nettisiijđoin (get.adobe.com).

Feilâalmottâs syelisäänisuoijiimist

Motomijn tiilijn tun puávtáh finniđ feilâalmottâs, mii almoot luámáttuv syelisäänisuoijiimist. Návt puáhtá keevvâđ, jis tun tevdiškuáđáh luámáttuv ovdâmerkkân nettilaađđâm pdf-lohhein já juáđháh motomin monnii eres ohjelmáin.

Luámáttâh tuáimá olmânáál, ko tun vuorkkiih vistig kuárus luámáttuv jieijâd riäidun. Leehâ talle luámáttuv Adobe Reader -ohjelmáin já teevdi tiäđuid tast. Jis tun jieh teevdi oles luámáttuv häävild, te mušte vuorkkiđ luámáttuv já lekkâđ tom oppeet Adobe Reader -ohjelmáin.

Luámáttuv lasettem MuuKelan ij luhostuu

Motomin pdf-luámáttuv lasettem MuuKelan ij luhostuu já tun finniih feilâalmottâs ”Lahtos vuolgâttem ij luhostum. Lahtos vuolgâtmist lâi váddu. Keččâl uđđâsist váhá ääigi keejist. Jis váddu ij čovdâšuu, te vääldi ohtâvuođâ Kela teknisii äššigâstorjui.”

Keččâl printtiđ tevdum luámáttuv pdf-háámán tiättur ”print to pdf” -toimáin. Huámmáš, ete tast maŋa luámáttuv tevdim ij innig lah máhđulâš, te toovâ taam eskân loopâst. Vuorkkii tiätuvuárhá eres noomáin, ko luámáttuv versio, mon puáhtá tevdiđ. Tun puávtáh meid vuolgâttiđ tiätuvuárhá kovveen MuuKelan čuávuvâš tiätuvuárkkáhäämmin: PNG-kovetiätuvuárháh (.png), JPG-kovetiätuvuárháh (.jpg, .jpeg), TIFF-kovetiätuvuárháh (.tiff).

Ko tun tiävdáh luámáttuvâid, main láá rekinistemjiešvuođah, te visásmit, ete tun kiävtáh Adobe Reader uđđâsumos versio.

Ko tun tiävdáh suumij luámáttâhân, te keevti

• suomâ-, ruotâ- já sämikielâlijn luámáttuvâin tuháttij iärutteijen čuággá já desimaalij iärutteijen ceehi (1.234,00 €)
• eŋgâlâskielâlijn luámáttuvâin keevti tuháttij iärutteijen ceehi já desimaalij iärutteijen čuággá (1,234.00 €).

Tiervâsvuođâhuolâttâs áámmátulmui kevttimnáál uáivildum luámáttuvah kávnojeh vuosâsaajeest ornijdume kevttim pyecceetiätuvuáháduvâst.

Tiervâsvuođâhuolâttâs áámmátulmuuh finnejeh luámáttuvâid pdf-häämist meid Terveysportti-palvâlusâst (suomâkielân), Lääkäriportaali-palvâlusâst (suomâkielân) já Lääkäriliitto jeessânpalvâlusâst (suomâkielân).