Tuʹmmstõõǥǥ da äʹššǩeeʹrj
Vuäitak lookkâd tuʹmmstõõǥǥad OmaKelast. Tuʹnne vuõlttuum tuʹmmstõõǥǥ da ǩeeʹrj lie OmaKela Päätökset ja muut asiakirjat -seeidast (Tuʹmmstõõǥǥ da tuu jeeʹres äʹššǩeeʹrj). Vuäǯǯak še tuʹmmstõõǥǥ päikksad pååʹšt mieʹldd, jõs jiõk leäkku čåuddõõttâm põʹmmaipååʹštest.
Puk tuʹnne vuõlttuum äʹššǩeeʹrj lie lookkâmnalla OmaKelast 6 eeʹjj ääiʹj. Jõs taarbšak ääiʹjben tuejjuum tuʹmmstõõǥǥ, vuäitak raukkâd Kela vuõltteed tõn tuʹnne pååʹšt mieʹldd päikksad. Vuõlttâd saaǥǥ OmaKelast leʹbe sååit teʹlfonkääzzkõʹsse.
Tååim nääiʹt, ǥu haaʹlääk čåuddõõttâd põʹmmaipååʹštest
Vuäitak čåuddõõttâd põʹmmaipååʹštest iʹlmmteeʹl tõʹst OmaKelast. Ǥu čåuddõõđak põʹmmaipååʹštest, vuäǯǯak tuʹmmstõõǥǥid, ǩiiʹrjid da jeeʹres äʹššǩiiʹrjid tåʹlǩ OmaKela sizz.
- Ǩeeʹrjtõõđ OmaKela sizz.
- Cõõjõõđ sijddu Päivitä omia tietojasi (Peeiʹvet jiijjad teâđääd).
- Cõõjõõđ sâjja Luovu paperipostista (Čåuddõõđ põʹmmaipååʹštest) da vaʹstted Kyllä (Kâʹl) kõõččmõʹšše Haluatko luopua paperipostista (Haaʹlääk-a čåuddõõttâd põʹmmaipååʹštest)?
- Iʹlmmet teʹlfon-nââmrad da neʹttpååʹštaddrõõzz seämma seeidast. Uuʹd lååʹv še Kelaaʹje vuõltteed tuʹnne saaǥǥid OmaKela sizz.
Ǥu leäk čåuddõõttâm põʹmmaipååʹštest, vuäǯǯak teâđ ođđ puättam äʹššǩeeʹrjest
- neʹttpååʹštin da Suomi.fi-suåvldõʹsse Suomi.fi-saaǥǥi pääiʹǩ, jõs leäk välddam Suomi.fi-saaǥǥ âânnmõʹšše
- neʹttpååʹštin leʹbe teʹksttsaaǥǥin Kelast, jõs jiõk leäkku välddam Suomi.fi-saaǥǥid âânnmõʹšše.
Jõs jiõk leäkku čåuddõõttâm põʹmmaipååʹštest OmaKelast, vuäǯǯak tuʹmmstõõǥǥid da äʹššǩiiʹrjid päikksad pååʹšt mieʹldd, håʹt-i leʹččiǩ välddam Suomi.fi-saaǥǥid âânnmõʹšše.
- piârjeältõk
- jeältõõǥǥ päärnažpââjõs
- jeältõktuärjjõs
- vuõrâs-škooultõstuärjjõõzz läinnstaanmõš
- lääʹmesvuõtt-tuärjjõõzz.
Lââʹssen vuõltteep pååʹšt mieʹldd še koid-ne infoǩiiʹrjid di piʹrǧǧeemtuärjjõõzz mähssčõõnõõttmõõžž.
Vääʹld Suomi.fi-saaǥǥid âânnmõʹšše seämma vuâra ǥu tobddõõđak OmaKela sizz.
Ǥu ǩeeʹrjtõõđak OmaKela sizz, vuäǯǯak ehdtõõzz väʹldded Suomi.fi-saaǥǥ (Suomi.fi-viestit, suomi.fi, lääddas) ânnmõʹšše, jõs tõk jie veâl leäkku tuu âânnmõõžžâst. Vuäitak väʹldded Suomi.fi-saaǥǥid âânnmõʹšše hieʹlǩeld ǩeeʹrjtõõttmõõžž õhttvuõđâst uuʹdeeʹl neʹttpååʹštaddrõõzzad da raaveeʹl tõn. Ehdtõs puätt juõʹǩǩ ǩeeʹrjtõõttâmvuârain, jõs jiõk leäkku välddam Suomi.fi-saaǥǥid âânnmõʹšše.
Tobdstõõđ Digi- da meerteâttkonttâr (DVV) vuäppõõzzid:
- vuäppõsvideo Näin otat käyttöön Suomi.fi-viestit tunnistautumisen yhteydessä (Nääiʹt vääldak âânnmõʹšše Suomi.fi-saaǥǥid tobddõõttmõõžž õhttvuõđâst)
- snimldõõǥǥ Suomi.fi-tobddmõõžžâst (lääddas).
Suomi.fi-saaǥǥ lij Digi- da meerteâttkonttâr kääzzkõs, koʹst vuäitak lookkâd veʹrǧǧniiʹǩǩi vuõltteem saaǥǥid liâdǥlaž ååʹblǩest. Saaǥǥid vuäitt lookkâd juʹna Suomi.fi-mobiilisuåvldõõzzâst leʹbe addrõõzzâst suomi.fi/viestit (lääddas).
Ǥu vääldak Suomi.fi-saaǥǥid âânnmõʹšše, vuäǯǯak jäänmõõzz veʹrǧǧniiʹǩǩi vuõltteem ǩiiʹrjin liâđǥlânji põʹmmaipååʹšt sâjja. Jõs haaʹlääk vuâsttaväʹldded še Kela tuʹmmstõõǥǥid da ǩiiʹrjid tåʹlǩ liâđǥlânji, feʹrttai lââʹssen čåuddõõttâd põʹmmaipååʹštest OmaKelast.
Iʹlmmtõõzz puättam saaǥǥin puäʹtte neʹttpååʹštaddrõʹsse, koon leäk iʹlmmtam Suomi.fi-kääzzkõʹsse. Suomi.fi-suåvldõõzz õõʹni vuäǯǯa iʹlmmtõõzzid še suåvldõõzz pääiʹǩ. Jõs jiõk ââʹn Suomi.fi-saaǥǥid, vuäǯǯak iʹlmmtõõzz ođđ Kela ǩiiʹrjin OmaKelast tuu iʹlmmtem neʹttpååʹštaddrõʹsse.