Ǩeeʹrjtõõttmõš MuuKela sizz

Baaŋk meäʹtte persoonlaž neʹttbaŋkktiõttid baaŋk vuâkkõõzzi mieʹldd. Jeeʹres baaŋkin liâ še jeeʹresnallšem tobddeemnääʹl, ouddmiârkkân suåvldõõzz da čooudtiõttkoort. Vääʹld õhttvuõđ jiijjad baʹŋǩǩe, jõs tuʹst liâ kõõččmõõžž neʹttbaŋkktiõtti diõtt.

1. Vaʹlljed kela.fi-seeid pâʹjjreeuʹnest päiʹǩǩ Ǩeeʹrjtõõđ – Persoonäʹššneeʹǩǩ (Kirjaudu – Henkilöasiakkaat).
2. Vaʹlljed tobddeemseeidast jiijjad baaŋk.
3. Vaʹlljed ââʹnnmad tobddeemnääʹl, mâta suåvldõõzz leʹbe čooudtiõttkoort, da tobddõõđ kääzzkõʹsse.
4. Ǥu tobddummuš ooʹnnast, serddjak automaattlânji MuuKela sizz.

Mobiilstaanõk lij mäʹtǩǩteʹlfoonin tåimmai tobddeemnääʹll. Vuäitak väʹldded tõn jiijjad âânnmõʹšše, jõs tuʹst lij mäʹtǩǩteʹlfoon da tobddummša suåppi SIM-kortt. Vääʹld mobiilstaanõõǥǥ âânnmõʹšše neeʹttest, teʹlfoonin leʹbe jeäʹleeʹl jiijjad operaattor kaaupâst.

Vuâmmaž, što mobiilstaanõk vuäitt mäʹhssed. Tääʹrǩest hââʹdd jiijjad operaattoorâst (odm. Telia, Sonera leʹbe DNA). Kela ij peʹrre âânnmõõžžâst määus. Looǥǥ lââʹzz mobiilstaanõõǥǥâst.

1. Vaʹlljed kela.fi-seeid pâʹjjreeuʹnest päiʹǩǩ Ǩeeʹrjtõõđ – Persoonäʹššneeʹǩǩ (Kirjaudu – Henkilöasiakkaat).
2. Vaʹlljed tobddeemseeidast mobiilstaanõk.
3. Ǩeeʹrjet teʹlfoon-nââmrad.
4. Vuäǯǯak teʹlfooʹne tobddeemraukkmõõžž Kelast. Tieʹdd OK. Teʹlfooʹne puätt ikkân, koozz ǩeeʹrjtak PIN-koodd, koon leäk ouddam mobiilstaanõʹǩǩe.
5. Ǥu tobddummuš ooʹnnast, serddjak automaattlânji MuuKela sizz.

Persoonkoort vuäitt ââʹnned tobddummša, jõs tõt âânn seʹst meerlažstaanõõǥǥ da staanõk lij aktivõsttum. Siru seʹst õõʹnni persoonkoort âlgg viǯǯâd pååʹles-stroiʹttlest.

Persoonkoort lââʹssen taarbšak

• teâttmašina
• korttlookki
• korttlookkiprograamm
• persoonlaž tiõttlååǥǥaid.

Looǥǥ lââʹzz meerlažstaanõõǥǥâst (dvv.fi, lääddas).