Vuolggátgo olgoriikkaide?
Dán siiddus
Olgoriikkaide fárren sáhttá váikkuhit du vuoigatvuhtii oažžut doarjagiid Kelas. Jus mii máksit dutnje doarjagiid dahje dus lea eurohpalaš buohccedikšunkoarta, de don fertet almmuhit midjiide olgoriikkaide vuolgimat birra.
Almmut olgoriikkaide vuolgimat birra
Almmut olgoriikkaide vuolgimat birra, jus dutnje máksojuvvojit doarjagat. Sáhtát dahkat almmuhusa neahtas.
Mii váikkuha dasa, ahte sáhtát go oažžut Kela doarjagiid?
Dát áššit váikkuhit dasa ahte oaččut go doarjaga Kelas:
- áigi, man guhká leat olgoriikkain
- riika, gosa manat
- olgoriikkaide vuolgimat sivva.
Jus áiggut máhccat Supmii dahje barggat Suomas, de sáhtát oažžut doarjaga Kelas dan áigge go orut gaskaboddosaččat olgoriikkain.
Jus fárret olgoriikkaide fásta, it sáhte šat oažžut Kela doarjagiid.
Man guhká ja man riikkas orut?
Dat, man guhká leat ja guđe riikii don vuolggát, váikkuha du vuoigatvuhtii oažžut doarjagiid. Mii árvvoštallat juohke áššehasa dili álo hávális.
Oaččut dárkilut dieđuid doarjagiid máksimis olgoriikkaide kela.fi-neahttasiidduin dahje go riŋget midjiide.
Gaskaboddosaččat olgoriikkain
Dábálaččat sáhtát oažžut Kela doarjagiid dallego leat gaskaboddosaččat olgoriikkain. De mii sáhttit joatkit juo juolluduvvon doarjaga máksima dutnje. Dalle sáhtát maid ohcat ođđa doarjagiid Kelas.
Muhtun doarjagiidda váikkuha maiddái oanehisge áigge orrun olgoriikkain. Dat leat
Jus vuolggát eará EU- dahje Edg-riikii, Sveicii dahje Stuorra-Británniai gaskaboddosaččat, de sáhtát dábálaččat oažžut Kela doarjagiid.
Go leat almmuhan midjiide vuolgimat birra, de mii árvvoštallat fárretgo olgoriikkaide orrut gaskaboddosaččat vai fásta.
Jus mii árvvoštallat fárrema gaskaboddosažžan, de mii joatkit doarjagiid máksima olgoriikkaide. Sáhtát maid ohcat ja oažžut ođđa doarjagiid.
Ássandili árvvoštaladettiin mii dárkut ovdamearkka dihte daid áššiid:
- ovddeš ássanhistorjá Suomas ja olgoriikkain
- dálá ássanordnemat
- dávjá orodeapmi Suomas ja olgoriikkain
- bearašoktavuođat Supmii ja olgoriikkaide.
Álggahitgo bargama?
Jus don álggahat bargama dáin riikkain, de dábálaččat du vuoigatvuohta oažžut Kela doarjagiid nohká. Dalle barganriika vástida du sosiáladorvvus.Jus don álggahat bargama dáin riikkain, de dábálaččat du vuoigatvuohta oažžut Kela doarjagiid nohká. Dalle barganriika vástida du sosiáladorvvus.
Jus orut eará sajis go EU- dahje Edg-riikkas, Sveiccas dahje Stuorra-Británnias eanemustá 6 mánu, de dábálaččat sáhtát oaččut doarjaga Kelas nugo orošit ain Suomas.
Doarjagiid máksin de jotkojuvvo olgoriikkaide ja ođđa doarjagiid sáhttá mieđihit ohcamuša vuođul. Spiehkastahkan leat goittotge áigáiboahtodoarjja ja mánáid ruovttudikšuma doarjja.
Jus orut guhkit áigge go 6 mánu eará sajis go EU- dahje Edg-riikkas, Sveiccas dahje Stuorra-Británnias, de mii árvvoštallat ahte leat fárren fásta ja doarjagiid máksin nohká.
Fásta olgoriikkain
Jus fárret olgoriikkaide fásta, it dábálaččat sáhte oažžut Kela doarjagiid. Áššái ii váikkut dat, man riikii don fárret.
Doarjaga máksin nohká fárrenbeaivái.
Go leat almmuhan midjiide vuolgimat birra, de mii árvvoštallat du almmuhusa vuođul, fárretgo olgoriikkaide orrut gaskaboddosaččat vai fásta.
Jus don fárret eará EU- dahje Edg-riikii, Sveicii dahje Stuorra-Británniai ja mii árvvoštallat, ahte don orut fásta olgoriikkain, de doarjagiid máksin nohká.
Orruma árvvoštaladettiin mii dárkut ovdamearkka dihte daid áššiid:
- ovddeš ássanhistorjá Suomas ja olgoriikkain
- dálá ássanordnemat
- dávjá orodeapmi Suomas ja olgoriikkain
- bearašoktavuođat Supmii ja olgoriikkaide.
Jus orut guhkit áigge go 6 mánu eará sajis go EU- dahje Edg-riikkas, Sveiccas dahje Stuorra-Británnias, de mii árvvoštallat dábálaččat ahte leat fárren fásta ja doarjagiid máksin nohká.
Jeavddalaččat olgoriikkain
Jus orut olgoriikkain jeavddalaččat, muhto jos mii árvvoštallat, ahte orut fásta Suomas, de sáhtát oažžut doarjagiid Kelas.
Jeavddalaš olgoriikkain orrumiin oaivvildit ovdamearkka dihte, ahte leat ealáhagas ja orut 4 mánotbaji jagis olgoriikkain dálvet ja máhcat Supmii giđđat.
Sáhtát oažžut Kela doarjagiid, jus mii árvvoštallat ahte don orut Suomas fásta, vaikko orut eará EU-dahje Edg-riikkas, Sveiccas dahje Stuorra-Británnias jeavddalaččat oasi iežat áiggis. Jus álggahat bargama dán riikkas, de it sáhte oažžut Kela doarjagiid.
Suomas orruma árvvoštaladettiin mii dárkut ovdamearkka dihte daid áššiid:
- ovddeš ássanhistorjá Suomas ja olgoriikkain
- dálá ássanordnemat
- dávjá orodeapmi Suomas ja olgoriikkain
- bearašoktavuođat Supmii ja olgoriikkaide
- eana, mii máksá ealáhaga (jos leat ealáhatoažžu)
- eana, mii geassá vearu ealáhagas (jos leat ealáhatoažžu).
Jus orut jeavddalaččat oanehut áiggi go 6 mánotbaji bajiid eará sajis go EU- dahje Edg-riikkas, Sveiccas dahje Stuora-Británnias, de sáhtát ain oažžut doarjagiid Kelas, jus leat Suomas eanaš iežat áiggis.
Man sivas vuolggát olgoriikkaide?
Oahpásmuva dárkilabbot, mo du dillái váikkuha, jus vuolggát olgoriikkaide
Sáhtát fárret dahje vuolgit olgoriikkaide maid eará sivaid geažil. Sáhtát váldit midjiide oktavuođa, jus leat eahpesihkkar.
Almmut midjiide vuolgimat birra
Almmut midjiide vuolgimat birra MuKelas, vai mii sáhttit árvvoštallat, sáhttá go du doarjagiid máksima joatkit.
Almmut dalán vuolggedettiinat, go
- leat olgoriikkain badjel 3 mánotbaji ja oaččut Kela doarjagiid dahje dus lea eurohpalaš buohccedikšunkoarta
- oaččut áigáiboahtodoarjaga ja orut olgoriikkas badjel 7 beaivvi
- álggahat man beare guhkkosaš bargogaskavuođa eará EU- dahje Edg-riikkas, Sveiccas dahje Stuorra-Británnias
- leat olgoriikkain jeavddalaččat ja eanaš oasi iežat áiggis, ovdamearkka dihte 1–6 mánotbaji ain hávil, ja Kela máksá dutnje doarjagiid.
Don it dárbbaš almmuhit midjiide, jus don leat sáddejuvvon bargin dahjege bargogohččumis
- EU- dahje Edg-riikkas
- Sveiccas
- Stuorra-Británnias
- USA:s
- Kanádas (maiddái Quebec)
- Chiles
- Israelis
- Austrálias.
Bargoaddi galgá dalle ohcat dutnje A1-duođaštusa dahje sáddejuvvon bargi duođaštusa Ealáhatdorvoguovddážis (etk.fi, suomagillii). Mii oažžut dieđu du bargogohččumis Ealáhatdorvoguovddáža mieđihan duođaštusaš.
Jus leat sáddejuvvon bargin Indias, Kiinnás, Japanis dahje Lulli-Koreas, almmut midjiide vuolgimat birra.
Almmut olgoriikkaide vuolgimat birra
Almmut olgoriikkaide vuolgimat birra, jus dutnje máksojuvvojit doarjagat. Sáhtát dahkat almmuhusa neahtas.
Jus it sáhte geavahit MuKela, sádde ohcamuša poastta mielde Kelai. Vurke skovi Fárren olgoriikii dahje bargan olgoriikkas Y 38sme (pdf) iežat rusttegii ja deavdde dan vurkema maŋŋá. Sádde printejuvvon skovi ja čuvvosiid čujuhussii Kela, PL 10, 00056 KELA.
Almmut midjiide álo, jus du eallindilli rievdá. Du eallindili rievdan váikkuha eará doarjagiidda, maid oaččut Kelas.
Oahpásmuva riikkaid gaskasaš sosiáladorvosoahpamušaide
Oahpásmuva riikkaid gaskasaš sosiáladorvosoahpamušaide ja EU-riikkaid guoski láhkaásaheapmái (Tietoa Kelasta -oassi, suomagillii). Jus galggat vuolgit Austráliai, Quebecii dahje Israelii, de čielggat Kelas iežat vuoigatvuođa buohccedikšui.
Leago mihkkege eahpečielggas?
Riŋge Kela áššehasbálvalussii
Riikkaidgaskasaš dilit
020 634 0200 (suomagillii ja eaŋgalasgillii, vu–be dii. 10–15)
020 634 0300 (ruoŧagillii, vu–be dii. 10–15)
Sámegillii bálvaluvvo nummiris 020 634 2894 (ma ja du dii. 10–11).