Áššiiddikšunbálvalus MuKela
Kela-áššiid dikšun neahtas lea álki: sáhtát dikšut áššiid gos ja goas beare. Go ozat doarjagiid ja sáddet čuvvosiid neahtas, dat jukset dalán Kela. Oainnát maiddái jus du ohcamušas váilot čuvvosat dahje lassedieđut.
MuKelas don sáhtát
- ohcat ovdduid
- sáddet čuvvosiid
- dárkkistit mearrádusa
- dárkkistit máksinbeaivvi ja ovddu meari
- almmuhit nuppástusaid
- sáddet ja lohkat ságaid.
Dávjá jerrojuvvon gažaldagat áššiiddikšumis neahtas
Dál álggos sámegielat bálvalusas sáhttá ohcat buohccedikšun- ja dálkkasbuhtadusaid, veajuiduhttima ja doaibmaváttogiid doarjja.
Jos hálidat diehtit sáhtátgo oažžut doarjaga, loga vuos ovdduin ja daid eavttuin. Rehkenastinprográmmain sáhtát árvvoštallat soaittášiigo dus leat vuoigatvuohta oažžut ovddu.
Bargga dan maŋŋá ohcamuša neahtas. Go deavddát ohcamuša fuolalaččat ja sáddet buot čuvvosiid hávil, ohcamušat gieđahallan jođálma.
MuKela ovdasiiddus oainnát čoahkkáigeasu iežat áigeguovdilis áššiin. Ovdasiiddus sáhtát dárkkistit dutnje boahtán ságaid ja bivdagiid lassedieđuin ja maiddái mearrádusaid ja máksinbeivviid. Oainnát maiddái dieđu, leago du ohcamuša gieđahállan álggahuvvon ja árvalusa das, man guhká gieđahallan bistá.
Jos leat vuolleahkásaš máná fuolaheaddji, sáhtát ohcat MuKelas máná beales muhtin ovdduid ja sáddet čuvvosiid. It sáhte vel čuovvut ohcamuša čoavdima ja máksindieđuid máná beales.
Nuppi ollesolbmo beales it sáhte vel dahkat dahje sáddet ohcamušaid MuKelas. Sáhtát goittotge čuovvut ohcamuša čoavdima ja máksindieđuid nuppi ollesolbmo beales.
Loga lasi