Vuâlǥak-a ålggjânnmid?
Tän seeidast
Ålggjânnmid vuâlggmõš vuäitt vaaikted vuõiggâdvuõʹtte vuäǯǯad Kela tuärjjõõzzid. Jõs mäʹhssep tuʹnne tuärjjõõzzid leʹbe tuʹst lij euroopplaž puõccihåiddkortt, tuʹst feʹrttai iʹlmmted miʹjjid ålggjânnmid vuâlggmõõžžstad.
Iʹlmmet ålggjânnmid vuâlggmõõžžstad
Iʹlmmet ålggjânnmid vuâlggmõõžžstad, jõs tuʹnne määuʹset tuärjjõõzzid. Vuäitak tuejjeed iʹlmmtõõzz neeʹttest.
Mii vaaikat tõõzz, vuäitak-a vuäǯǯad Kela tuärjjõõzzid?
Puõʹtti ääʹšš vaaikte tõõzz, vuäitak-a vuäǯǯad Kelast tuärjjõõzzid:
- äiʹǧǧ, koon jälstak ålggjânnmin
- mieʹrrjânnam
- ålggjânnmid vuâlggmõõžžad mäinn.
Jõs ääiǥak mäʹcced Lääʹddjânnma leʹbe reâuǥak Lääʹddjânnmest, vuäitak vuäǯǯad Kela tuärjjõõzzid kõskkpoddsaž ålggjânnmest jälstummuž poodd.
Jõs seerdak ålggjânnmid põõššinalla, jiõk vueiʹt teänab vuäǯǯad Kela tuärjjõõzzid.
Kuuʹǩǩ-a da koon jânnmest jälstak?
Tõt, mõõn kuuʹǩǩ jaaukak da koon jânnma vuâlǥak, vaaikat vuõiggâdvuõʹtte vuäǯǯad tuärjjõõzzid. Ärvvtõõllâp juõʹǩǩ äʹššneeʹǩǩ vueʹjj pâi jeeʹrab tuʹmmstõõǥǥ mieʹldd.
Vuäǯǯak tääʹrǩab teâđaid tuärjjõõzzi mähssmõõžžâst ålggjânnmid kela.fist leʹbe sååiteeʹl miʹjjid.
Kõskkpoddsânji ålggjânnmin
Kõskkpoddsaž ålggjânnmin åårrmad poodd vuäitak vuäǯǯad Kela tuärjjõõzzid. Vueiʹttep nääiʹt juäʹtǩǩed juʹn miõttum tuärjjõõzz mähssmõõžž tuʹnne. Vuäitak täʹl še ooccâd ođđ tuärjjõõzzid Kelast.
Koid-ne tuärjjõõzzid tuõđi vaaikat še vuäʹnkõs åårummuš ålggjânnmin. Täk liâ
Jõs vuâlǥak nuuʹbb EU- leʹbe Eta-jânnma, Sveiʹccjânnma leʹbe Jõnn-Britanniaaʹje kõskkpoddsânji, vuäitak takainalla vuäǯǯad Kela tuärjjõõzzid.
Ǥu leäk iʹlmmtam miʹjjid vuâlggmõõžžstad, ärvvtõõllâp, seerdak-a ålggjânnmid jälsted kõskkpoddsânji avi põõššjen.
Jõs ärvvtõõllâp serddmõõžž kõskkpoddsiʹžžen, juäʹtǩǩep tuärjjõõzzi mähssmõõžž ålggjânnma. Vuäitak še ooccâd da vuäǯǯad ođđ tuärjjõõzzid.
Jälstummuž ärvvtõõleen taʹrǩstõõllâp ouddmiârkkân puõʹtti aaʹššid:
- ääiʹjbuž jälstemhistoria Lääʹddjânnmest da ålggjânnmin
- ânnʼjõž jälstemjäʹrjstummuž
- täujjnam åårummuš Lääʹddjânnmest da ålggjânnmin
- piârčõõnnâmvuõđ Lääʹddjânnma da ålggjânnmid.
Altteek-a reâuggmõõžž?
Jus don álggahat bargama dáin riikkain, de dábálaččat du vuoigatvuohta oažžut Kela doarjagiid nohká. Dalle barganriika vástida du sosiáladorvvus.Jus don álggahat bargama dáin riikkain, de dábálaččat du vuoigatvuohta oažžut Kela doarjagiid nohká. Dalle barganriika vástida du sosiáladorvvus.
Jõs jälstak jeeʹres sââʹjest ǥu EU- leʹbe Eta-jânnmest, Sveiʹccjânnmest leʹbe Jõnn-Britanniast jäänmõsân 6 määnpââʹj, vuäitak takainalla vuäǯǯad Kela tuärjjõõzzid nuʹt-mâʹte jälsteʹčiǩ veâl Lääʹddjânnmest.
Tuärjjõõzzi mähssmõõžž nääiʹt jueʹtǩet ålggjânnmid da ođđ tuärjjõõzzid vueiʹtet miõttâd ooccmõõžž vuâđald. Täʹst čårstõkkân liâ kuuitâǥ piʹrǧǧeemtuärjjõs da päärnai dommhååid tuärjjõs.
Jõs jälstak pâʹjjel 6 määnpââʹj jeeʹres sââʹjest ǥu EU- leʹbe Eta-jânnmest, Sveiʹccjânnmest leʹbe Jõnn-Britanniast, ärvvtõõllâp serddmõõžžad põõššjen da tuärjjõõzzi mähssmõš põõtt.
Põõššjen ålggjânnmin
Jõs seerdak ålggjânnma põõššjen, jiõk nääiʹt takainalla vueiʹt vuäǯǯad Kela tuärjjõõzzid. Äšša ij vaaikât tõt, koon jânnma seerdak.
Tuärjjõõzzi mähssmõš põõtt seʹrddempeivva.
Ǥu leäk iʹlmmtam miʹjjid vuâlggmõõžžstad, ärvvtõõllâp iʹlmmtõõzzad vuâđald, seerdak-a ålggjânnmid jälsted kõskkpoddsânji avi põõššjen.
Jõs seerdak nuuʹbb EU- leʹbe Eta-jânnma, Sveiʹccjânnma leʹbe Jõnn-Britanniaaʹje da ärvvtõõllâp, što jälstak ålggjânnmin põõššjen, tuärjjõõzzi mähssmõš põõtt.
Jälstummuž ärvvtõõleen taʹrǩstõõllâp ouddmiârkkân puõʹtti aaʹššid:
- ääiʹjbuž jälstemhistoria Lääʹddjânnmest da ålggjânnmin
- ânnʼjõž jälstemjäʹrjstummuž
- täujjnam åårummuš Lääʹddjânnmest da ålggjânnmin
- piârčõõnâsvuõđ Lääʹddjânnma da ålggjânnmid.
Jõs jälstak pâʹjjel 6 määnpââʹj jeeʹres sââʹjest ǥu EU- leʹbe Eta-jânnmest, Sveiʹccjânnmest leʹbe Jõnn-Britanniast, ärvvtõõllâp serddmõõžžad takainalla põõššjen da tuärjjõõzzi mähssmõš põõtt.
Mieʹrrkõõski ålggjânnmin
Jõs åårääk ålggjânnmin põõššjen leša jõs ärvvtõõllâp, što jälstak põõššjen Lääʹddjânnmest, vuäitak vuäǯǯad Kela tuärjjõõzzid.
Mieʹrrkõõski ålggjânnmin åårummšin juuʹrdet ouddmiârkkân tõn, što leäk jeältõõǥǥâst ja jälstak pâi taaʹlvi poodd 4 määnpââʹj ålggjânnmin da seerdak mååusat ǩeâđđa Lääʹddjânnma.
Vuäitak vuäǯǯad Kela tuärjjõõzzid, jos ärvvtõõllâp tuu jälstem Lääʹddjânnmest põõššjen, håʹt-i åårääk nuuʹbb EU- leʹbe Eta-jânnmest, Sveiʹccjânnmest leʹbe Jõnn-Britanniast mieʹrrkõõski pieʹǩǩ ääiʹjstad. Jõs alttääk reâuggmõõžž tän jânnmest, jiõk vueiʹt vuäǯǯad Kela tuärjjõõzzid.
Lääʹddjânnmest jälstummuž ärvvtõõleen taʹrǩštõõllâp ouddmiârkkân puõʹtti aaʹššid:
- ääiʹjbuž jälstemhistoria Lääʹddjânnmest da ålggjânnmin
- ânnʼjõž jälstemjäʹrjstummuž
- täujjnam åårummuš Lääʹddjânnmest da ålggjânnmin
- piârčõõnâsvuõđ Lääʹddjânnma da ålggjânnmid
- jeältõõǥǥ maʹhssi jânnam (jõs leäk jeältõkvuäǯǯai)
- jeältõõǥǥ piiđvaʹlddi jânnam (jõs leäk jeältõkvuäǯǯai).
Jõs åårääk mieʹrrkõõski vuâlla 6 määnpââʹj põõʹjid jeeʹres sââʹjest ǥu EU- leʹbe Eta-jânnmest, Sveiʹccjânnmest leʹbe Jõnn-Britanniast, vuäitak veâl ooudâs vuäǯǯad Kela tuärjjõõzzid, jõs leäk väʹlddvueʹzz ääiʹjstad Lääʹddjânnmest.
Mii lij ålggjânnmid vuâlggmõõžžad mäinn?
Tobdstõõđ tääʹrǩben, mäʹhtt tuu vuâkka vaaikat, jõs vuâlǥak ålggjânnmid
- reâuggliʹžžen leʹbe reâuggooccjen
- mättʼtõõđjen
- jeältõkvuäǯǯjen
- piârvuäzzliʹžžen.
Säättak seʹrdded leʹbe vueʹlǧǧed ålggjânnmid še jeeʹres määinain. Jõs smiõttak jiijjad vueʹjj, vuäitak leeʹd miʹjjid õhttvuõđâst.
Iʹlmmet miʹjjid vuâlggmõõžžstad
Iʹlmmet miʹjjid vuâlggmõõžžstad MuuKelast, što vueiʹttep ärvvtõõllâd, vueiʹtet-a tuärjjõõzzi mähssmõõžž juäʹtǩǩed.
Iʹlmmet tâʹlles vueʹljeen, ǥu
- jälstak ålggjânnmin pâʹjjel 3 määnpââʹj da vuäǯǯak Kela tuärjjõõzzid leʹbe tuʹst lij euroopplaž puõccihåiddkortt
- vuäǯǯak piʹrǧǧeemtuärjjõõzz da åårääk ålggjânnmin pâʹjjel 7 peiʹvved
- alttääk mõõn täättas kookka reâuggkõskkvuõđ nuuʹbb EU- leʹbe Eta-jânnmest, Sveiʹccjânnmest leʹbe Jõnn-Britanniast
- jälstak ålggjânnmin mieʹrrkõõski da väʹlddvueʹzz ääiʹjest, ouddmiârkkân 1–6 määnpââʹj vuârast, da Kela mähss tuʹnne tuärjjõõzzid.
Tuʹst ij taarbaš iʹlmmted miʹjjid, jõs leäk vuõlttuum reâuggliʹžžen leʹbe reâuggam-mieʹrrummšin
- EU- leʹbe Eta-jânnmest
- Sveiʹccjânnmest
- Jõnn-Britanniast
- Õhttõõvvâmvaaʹldin
- Kanadast (mieʹldd looǥǥeeʹl Quebec)
- Chilest
- Israeeʹlest
- Australiast.
Reâugguʹvddjad feʹrttai täʹl ooccâd tuʹnne A1-tuõđštõs leʹbe vuõlttuum reâuggla tuõđštõs Jeältõkstaankõõskõõzzâst (etk.fi, lääddas). Vuäǯǯap teâđ reâuggam-mieʹrrummšest Jeältõkstaankõõskõõzz miõttmest tuõđštõõzzâst.
Jõs leäk vuõlttuum reâuggliʹžžen Intiast, Kiinast, Japanist leʹbe Saujj-Koreast, iʹlmmet miʹjjid vuâlggmõõžžstad.
Iʹlmmet ålggjânnmid vuâlggmõõžžstad
Iʹlmmet ålggjânnmid vuâlggmõõžžstad, jõs tuʹnne määuʹset tuärjjõõzzid. Vuäitak tuejjeed iʹlmmtõõzz neeʹttest.
Jõs jiõk vueiʹt ââʹnned MuuKela, pååʹštet ooccmõõžž Kelaaʹje. Ruõkk lomaakk Serddmõš ålggjânnmid leʹbe reâuggmõš ålggjânnmin Y 38sms (pdf) jiijjad aparaʹtte da tiuddâd tõn ruõkkmõõžž mâŋŋa. Vuõlttâd priʹnttjum lomaakk da meâlddõõzz addrõʹsse Kela, PL 10, 00056 KELA.
Iʹlmmet miʹjjid pâi še, jõs jiijjad jieʹllemvuâkka šâʹdde muttâz. Tääʹrǩest, mäʹhtt jieʹllemvueʹjj muuttâs vaaikat jeeʹres Kelast vuäǯǯmad tuärjjõõzzid.
Muuʹšt iʹlmmted še Digi- da meerteâttkonttra ålggjânnmid vuâlggmõõžžstad (dvv.fi, lääddas).
Tobdstõõđ jânnmi kõskksaž sosiaalstaansuåppmõõžžid
Tobdstõõđ jânnmi kõskksaž sosiaalstaansuåppmõõžžid da EU-jânnmid kuõskki lääʹjjšiõttummša (Tietoa Kelasta -osio, lääddas). Jõs leäk vueʹlǧǧmen Australiaaʹje, Quebecca leʹbe Israeela, čiõlǥât Kelast vuõiggâdvuõđad puõccihoiddu.
Kuâđđji-a mii-ne kõõsk?
Sååit Kela äʹššneǩ-kääzzkõʹsse
Meeraikõskksaž vueʹjj
020 634 0200 (lääʹddǩiõʹlle da eŋgglõsǩiõʹlle, vu–pi čiâss 10–15)
020 634 0300 (ruõccǩiõʹlle, vu–pi čiâss 10–15)
Sääʹmǩiõʹlle kääzzkââʹstet nââmrest 020 634 4795 (ne čiâss 9–11).